समृद्धी महामार्गावर पिंपळखुट्या नजीक मोठा अपघात

प्रतिनिधी. प्रथमेश आडवे 

बुलढाणा जिल्ह्यातून जाणाऱ्या मुंबई नागपूर समृद्धी महामार्ग मृत्यूचा सापळा बनत चालला आहे. ऐन दिवाळीच्या तोंडावर आज ३१ ऑक्टोबर रोजी सकाळी ७ वाजेच्या सुमारास या महामार्गावर ट्रक आणि इंडिगो कारचा अपघात होऊन यात एकाच कुटुंबातील ३ जण ठार झाले आहे. तर २ जण जखमी झाल्याची माहिती मिळाली. समृद्धी महामार्गावर बुलढाणा जिल्ह्यातील पिंपळखुटा या गावाजवळ पुण्याहून अमरावतीच्या दिशेने जाणाऱ्या इंडिगो कार च्या चालकाने समोर जात असलेल्या ट्रकला मागून जोरदार धडक दिली या अपघातात शुभांगी दाभाडे वय ३२ वर्ष, राजेश दाभाडे वय ४२ वर्ष हे जागीच मयत झाले तसेच रियांश राजेश दाभाडे व ४ वर्ष याला उपचारासाठी नेत असतांना एम्ब्युलेन्स मध्ये मृत्यू झाला तर समीक्षा राजेश दाभाडे आणि चालक अश्विन धनवरकर जखमी झालेले आहे. घटनेची माहिती मिळताच महामार्ग पोलिसांनी घटनास्थळी धाव घेऊन जखमींची मदत केली.