भरधाव दुचाकी गतीरोधकावर घसरल्याने ६० वर्षीय दुचाकीस्वाराचा मृत्यू

नाशिक (प्रतिनिधी) अमन शेख ,

भरधाव दुचाकी गतीरोधकावर घसरल्याने ६० वर्षीय दुचाकीस्वाराचा मृत्यू झाला. हा अपघात महामार्गावरील सर्व्हीस रोडवर झाला. याप्रकरणी इंदिरानगर पोलीस ठाण्यात मृत्यूची नोंद करण्यात आली आहे.

शहाजी काळू जाधव (रा.मनन रो हाऊस,पोद्दार स्कुलजवळ,पाथर्डी फाटा) असे मृत दुचाकीस्वाराचे नाव आहे. शहाजी जाधव गेल्या २१ ऑक्टोंबर रोजी महामार्गाच्या सर्व्हीस रोडने आपल्या दुचाकीवर प्रवास करीत असताना हा अपघात झाला.

पांडवलेणी परिसरातील अंगण हॉटेल ते हॉटेल एक्सप्रेस इन दरम्यानच्या गतीरोधकावर त्यांची भरधाव दुचाकी घसरली होती. या अपघातात ते गंभीर झाल्याने कुटुंबियांनी त्यांना सिडकोतील लाईफ केअर हॉस्पिटल मार्फत जिल्हारूग्णालयात दाखल केले असता उपचार सुरू असतांना मंगळवारी (दि.१२) डॉ. राधीका वट्टमवार यांनी त्यांना तपासून मृत घोषीत केले. (इंदिरानगर पोलीस स्टेशन, अकस्मात मृत्यू रजिस्टर क्रमांक: १४८/२०२४)