पुसेगाव ,खटावमध्ये पोलिसांकडून संचलन...

बुध दि .[प्रकाश राजेघाटगे ] 

आगामी विधानसभा निवडणुकीच्या पार्श्वभूमीवर कोरेगाव विधानसभा मतदारसंघातील पुसेगाव पोलिस ठाण्याच्या हद्दीतील पुसेगाव व  खटाव येथे पोलिसांनी संचलन केले.

विधानसभा निवडणुकीच्या  पार्श्वभूमीवर प्रशासन तसेच पोलिस  यंत्रणा सज्ज झाली आहे. निवडणुकीसाठी उमेदवारांचे अर्जभरण्यास सुरुवात झाली आहे. त्यामुळे गाव पातळीवर कोणत्याही प्रकारची अनुचित घटना घडू नये, यासाठी पोलिस यंत्रणेकडून आधीच खबरदारी घेतली जात आहे. आणि याचाच एक भाग म्हणून पुसेगाव पोलिस ठाणे हद्दीत सहायक पोलिस निरीक्षक संदीप पोमन यांच्या मार्गदर्शनाखाली पुसेगाव व खटावमध्ये संचलन करण्यात आले. यामध्ये सातारा जिल्हा पोलिस दल व आयटीबीपी, केंद्रीय सुरक्षा दल यांच्या वतीने संयुक्त संचलन करण्यात आले.

विधानसभा निवडणुकीसाठी तसेच कोणताही अनुचित प्रकार घडू नये, ही निवडणूक शांततेत पार पाडावी, यासाठी आता पोलिसांची सर्वत्र करडी नजर असणार आहे, असे पुसेगाव पोलिस ठाण्याचे सहायक पोलिस निरीक्षक संदीप पोमन यांनी सांगितले.