बुध दि .[प्रकाश राजेघाटगे]
महाराष्ट्रासह इतर राज्यातील लाखों भाविकांचे श्रद्धास्थान असलेल्या पुसेगाव ता खटाव येथील प पू श्री सेवागिरी महाराज देवस्थान ट्रस्टच्या चेअरमनपदी डॉ सुरेश सर्जेराव जाधव यांची सर्वानुमते निवड करण्यात आली असल्याची माहिती देवस्थान चे मठाधिपती महंत श्री सुंदरगिरी महाराज यांनी दिली.
आज मंगळवारी सकाळी दहा वाजता ट्रस्टच्या कार्यालयात झालेल्या या बैठकीस मठाधिपती प पू सुंदरगिरी महाराज, चेअरमन रणधीर जाधव, विश्वस्त व नूतन चेअरमन डॉ सुरेश जाधव,बाळासाहेब जाधव, संतोष वाघ तसेच मोहनराव जाधव, योगेश देशमुख,सुरेश पाटील, पृथ्वीराज जाधव, प्रदीप जाधव, चंद्रकांत जाधव, घनशाम मसने व इतर मान्यवर, ग्रामस्थ उपस्थित होते.या बैठकीत सर्वानुमते डॉ सुरेश जाधव यांची देवस्थान ट्रस्टचे चेअरमन म्हणुन निवड करण्यात आल्याचे मठाधिपती प पू सुंदरगिरी महाराज यांनी जाहीर केले.
आगामी काळात देवस्थान ट्रस्टच्या माध्यमातून भाविक भक्तांना अधिकाधिक सोयी सुविधा देण्याचा प्रयत्न , ट्रस्टचे प्रलंबित असलेले प्रश्न मार्गी लावणे तसेच ट्रस्टच्या विकासासाठी आणि देशभरात या देवस्थान ट्रस्टचा नावलौकीक वाढवण्यासाठी कटिबध्द असल्याचे नूतन चेअरमन डॉ सुरेश जाधव यांनी सांगितले.या निवडबद्दल डॉ जाधव यांचे अभिनंदन होत आहे.
Social Plugin